Politikki Kulturi

Tuluit isummersuisit illuinnaasiunnginnerarput

Tuluit isummersuisii nutaat, Issittumik kujallermik Issittumilu inuillu inuuniarnermikkut atugarisaannik immikkut sammisaqarluni aallussinissamik siunertaqartut, sapaatip akunnerani kingullermi oqaluttuaraavut.

Aleqa Hammond deltager i første møde i tænketanken Polar Research and Policy Initiative

Allattoq Helle Nørrelund Sørensen

februaarip 26-at 2016 14:33

Nutserisoq Jens Thorin, Mads Lynge

Isummersuisit arlaannaannulluunniit attuumassuteqanngitsumik politikikkullu pituttorsimanngitsumik imminnut taapput, taamaattoq siunnersuisoqatigiinni pingaarnerni Aleqa Hammond kisiat kalaallit politikeriini ilaasortaraat.

Tuluit nunarsuulu sinnerata Issittumi innuttaasut qanoq inuunerat ilisimasaqarfiginerulissavaat.
Tamanna isummersuisit nutaat, Polar Research and Policy Initiative, Londonimiittut pingaarnertut siunertaraat.

- Issittormiut issittumi najugaqartut pitsaanerusumik sullinnissat neriuutigaarput. Manna aqqutigalugu periarfissanik taakku ammaannissaat neriuutigaarput, taamaalilluni oqariartuutaat tusarneqarsinnaaqqullugit, aarlerissutaallu saqqummiunneqarsinnaaqqullugit. Isummersuisinik pilersitsisut ilaat, dr. Dwayne Ryan Menezes KNR-imut oqarpoq.

Aamma atuaruk Aleqa Hammond issittoq pillugu isummersuisini nutaami ilaasortaassaaq

Isummersuisit arlaannaannulluunniit attuumassuteqanngitsutut politikikkullu pituttorsimanngitsumik imminnut taapput.
Politikerit arlallit Tuluit Nunaanneersut Skotlandimeersullu partiini naalakkersuisuneersut illuatungiliuttuneersullu ilaasortaapput. Kalaallilli Nunaannit politikeri ataasiinnaq ilaasortaavoq, tassalu Aleqa Hammond Siumumeersoq.

Taanna Kalaallit Nunaannit nukittuuttut sinniisuummat tamanna pisoq, dr. Dwayne Ryan Menezes isumaqarpoq.

- Kalaallit Nunaata suunera, qanoq periarfissaqarnera sunillu unammilligassaqarnera erseqqissumik naalaartunut oqaatigisinnaavaa.

Naalakkersuisut siulittaasorisimasaat Kuupik Kleist aamma peqataaqquneqarsimagaluarpoq, taannali peqataaqqusissummut qisuariaateqarsimanngitsoq isummersuisit oqarput. Kuupik Kleistili nunatsinni poliitikimut akuujunnaarpoq.

Isummersuisit sulianik politikkimut attuumassuteqartunik sammisaqartartut, taamaattoq suliani politikikkut isummertoqarneq ajortoq, Dr. Dwayne Ryan Menezesip KNR-imut erseqqissaatigaa - taamaalillunilu politikikkut pituttorsimannginnertik aalajangiusimallugu.

- Taamaatuttaaq partiimik aalajangersimasumik tapersersuinissaq siunertarinngilarput. Kalaallit Nunaanni partiinut tunngatillugu, arlaannaannulluunniit attuumassuteqanngitsutut akuliunneq ajorpugut, dr. Dwayne Ryan Menezes oqarpoq.

Kalaallinik politikerinik allanik peqataaqqusisoqarsinnaanera pisinnaasoq, aallarniisup KNR-ip oqaatigaa.

Inuuteq Holm Nunatta Washingtonimik sinniisoqarfianeersoq atorfilittatut eqqarsaqatigiinni ilaasortaavoq. Kuupik Kleist peqataaqqusissut pillugu oqaaseqartinneqarsinnaasimanngilaq.