Brasiliami præsedentimut qinersisoqaqqissaaq

Brasiliami præsidentimut qinersisoqarmat taasisut affai sinnerlugit præsidentimik taasisimannginnerat peqqutaalluni aappassaaneerluni præsidentimut qinersisoqaqqilerpoq.

Taasissut 48,6 procentiisa Præsident Lula taasimavaat.

Taassuma unammillertaa socialdemokrateq, Geraldo Alckmin, 41,6 porcentinik præsidentimut qinersinermi siullermi taaneqarpoq.

Lula, nukappiaraalluni kaminnik qillersaasuusimasoq, kingusinnerusukkullu savimileriffimmi sulisimasoq, Brasiliap avannarpasissortaani, piitsoqarfinni najugalinnit, taaneqarnerpaavoq.

Geraldo Alckmin, nakorsatut ilinniarsimasoq, inuussutissarsiortunit, Brasiliap kujasinnerusortaani, pisooqarfiusuni najugaqartunit, soorlu São Paulomi, taagorneqarnerpaavoq.

Præsidentimut qinersinissaq sapaatip-akunnerinik arlalinnik sioqqullugu præsident Lula peqquserlunnerarneqartarsimavoq, naak inuttaa peqquserlunnerarsimanngikkaluartoq.

Brasiliami oktobarip 29-ani præsidentimut qinersisoqaqqissaaq.