Trumpip suliffeqarfiutaa Trump Tower ikuallattoq
USA-p præsidentiata Donald Trumpip New Yorkimi suliffeqarfiutaani, illorsuarmi Trump Towerimi quleriit qullersaasa ilaanni ikuallattoqalersimasoq, USA-mi tv-qarfissuit ilaata CBS Newsip allaaseraa.
Allattoq Karsten Sommer
Inuit ikinnerpaamik marluk aqqunartitersimasut New Yorkimi politiit nalunaarutigaat.
Aqqunartitertut aappaat peruluttoq nalunaarutigineqarpoq.
Trump Tower suliffeqarfiit assigiinngitsut allattoqarfiinik ulikkaarpoq, soorlu aamma inissiaqartoq, videoliallu takutippaat pujuliortorujussuusoq, qatserisartullu illorujussuup qaavaniittut takuneqarsinnaalluni.
Præsident Donald Trump Washingtonimiippoq, Trump Towerimilu ikuallattoqalersimanera tusagassiutitigut kingorna sammineqalerluni.
Præsidenti ikuallattoqalernerani taamaasilluni Trump Towerimiinngilaq.