BP seerisumik nassaarpoq

BP-p ilanngullugu paasisimavaa uuliap maqiffianut simiutip naqitsinera apparsimasoq, tamannalu immaqa allami uuliakoortoqaleranut takussutaasinnaasoq pasitsaanneqarpoq.

Immap naqqanit uuliap maqisup allaminngaanniit maqilersimanissaa oqartussat ernummatigaat, piaarnerpaamillu BP misissuinissaanik piumaffigalugu.

Tuluit Nunaata ministeriunerata, David Cameronip, sapaatip akunnerani uani USA-mut tikeraaqqaarnermini Obama naapilerpagu, uuliamik maqisoorluni ajutoornersuaq, eqqartorneqartussatut pingaarnertut ilimagineqarpoq.

Cameron siusinnerusukkut oqareerpoq, BP ilaqutariinnit suliffeqarfinnillu ingasaassamik taarseeqqullugu piumaffigineqalissappat illersorniarlugu.

Franskit nutaarsiassaqartitsivianit AFP-mit oqaatigineqarpoq, uuliamik ajutoornersuaq BP-mut maannamut 30 milliardit koruuninik naleqarpoq.