BP-p uuliasiorfii manngertornersimaqaat

Tusarfiit Norgemi aviisip Dagbaldip attaveqarfigisimasai, oqarput, BP-ip nammineq uuliasiorfiutaa, Valhall, savimikuinnarnit sanaajusoq.

- Ruujoriuniartut bakterianit iluaniit nerineqarput, allaanngilaq qalipaat kiserngoruttoq. Sulisut ilaata ruujori aallamik qalipanniarlugu qalipaatitoqaa piiarniarsaralugu pileriallaraa uulia akuiagaanngitsoq tissaluttoq. Ruujorit ima manngertornersimatigaat, qinniiarneqarsinnaanatilluunniit, tusarfik, kinaassutsiminik isertuusserusuttoq, aviisimut oqarpoq.

BP sumiginnaasutut Norgemi nakkutilliiveqarfimmit Petroleumstilsynimit 2008-mi pisuutinneqarpoq, aserfallatsaaliuinngippallaartutut oqaatigineqarluni.

Uuliasiorfissuit pillugit BP kisimi pikataanngilaq..

- Uuliasirfiit Nordsømiittut affaasa missaat nutaanngitsorujussuupput, ukiummi aalajangersimasut atuuttussaasarput. Ukiut quliinnaat qaangiuppata allat 25-t aamma nutaanngilereersimassapput, Norgemi nakkutilliiveqarfimmi tusagassiuutinut oqaaseqartartoq, Inger Anda, aviisimut Dagbladimut oqarpoq.