Bornholmimi suliffeqarfiup kalaallit raajaat iluanaarutigaat
Bornholmimi aalisakkeriviup Ocean Prawnsip raajat Kalaallit Nunaannersut Canadameersullu iluanaarutigisimaqai.
Allattoq Apollo Jeremiassen
Piginneqatigiiffik 34 million koruuninik siorna sinneqartoorpoq, naak 2008-mi 8,8 million koruuninik amigartooraluarluni.
Taamaattoqarneranut pissutaaqataavoq aalisakkanik raajanillu tunisineq siorna 25 million koruuninik Ocean Prawnsimut iluanaarutaasimammat.
Suliffeqarfissuup raajat pisarisartagai ukiumut 20.000 tonsiupput.
Suliffeqarfissuup Ocean Prawnsip kaaviiaartitai siorna 385 million koruuniusimapput, ukiumut siulianut naleqqiullugu qaffariaat 52 million koruuniulluni, DR Bornholm allappoq.