Boris Johnsonip amerlanerussuteqarnini ullumi annaavaa

Det er en skæbnedag i det britiske parlament, og muligvis ender dagen med udskrivelse af nyvalg.
Tuluit Nunaata EU-mi oktobarip ulluisa 31-anni ilaasortaajunnaarnissaa, ministeriuninngoqqammersup Boris Johnsonip aalajangiusimavaa. Assi © : Scanpix
Allattoq Ritzau
septembarip 03-at 2019 13:49

Tuluit inatsisartuini ullumi ulloq pisoqarfiungaatsiarsinnaavoq, qinersisoqaratarsinnaanerami sillimaffigineqarpoq.

Tuluit Nunaanni ministeriunerup Boris Johnsonip inatsisartuni amerlanerussuteqarnini ullumi marlunngornermi annaavaa.

Konservatiivimmi sinnerlugit maannamut ilaasortaq Philip Lee, partiimut EU-mut ilaasortaaginnarnissamut tapersersuisumut Liberaldemokratinut nuuppoq.

AAMMA ATUARUK Boris Johnsonip tuluit inatsisartui atoruunnaarallartinniarai

 

Tuluit inatsisartui aasaanerani sulinngiffeqareernerup kingorna ataatsimiiffiussaaq, ministeriunerullu illuatungiliuttullu akornanni aporaattoqarnissaa ilimagineqarpoq.

Inatsisartuni ilaasortat 2/3-iisa piumasarissappassuk Tuluit Nunaanni qinersisoqarnissaanut nalunaaruteqartoqaratarsinnaavoq.

Tuluillu inatsisartuini ullumi pisussat pissanngatigineqarput, akunnerillu ullullu tulliuttut ingerlaneranni pisussat siulittuutigiuminaallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq