Boris Johnson: Brexit pillugu isumaqatigiissut inissippoq

Tuluit EU-mit aninissaat pillugu isumaqatiginniarnerit ulloq unnuarlu ingerlanneqareersullu Tuluit Nunaat aamma EU-Kommissioni ullaap tungaani sisamanngornermi isumaqatigiipput.

Isumaqatigiissutip inissinneqarnera ministeriunerup, Boris Johnsonip, aamma EU-kommissionimi siulittaasup Jean-Claude Junckerip Twitterikkut uppernarsarpaat,

- Ajunngilluinnartumik nutaamik isumaqatigiissusiorpugut, Johnson oqarpoq.

Johnsonilu naapertorlugu isumaqatigiissutip inissinneqarneranit maannamut Tuluit Nunaanni inatsisartut akuersinissaat qulakkiigassanngortoq.

Tuluit EU-mit aninissaat pillugu isumaqatiginninnerni kingullerni Nordirland EU-mit qanoq avissaassanersoq isumaqatigiinninerni oqallisigineqarsimavoq.

Isumaqatigiinniartut naapeqatigiissusiorsimasut, EU-Kommissionip siulittaasuata aamma uppernarsarpaa.

- EU-p Tuluillu isumaqatigiissutaat naapertuilluartumik naligiittumillu inissinneqarpoq, aaqqiissuteqarnissamullu tamanna uppernarsaataavoq, siulittaasoq Juncker oqarpoq.

EU-p isumaqatiginniarnermut siuttua, Michel Barnier tusagassiortunik ullaap tungaanut katersuutitsissamaarpoq.

/ritzau/