Borgmesterit ukiortaami oqalugiassapput
Kommunerujussuit Qaasuitsup kommunea, Qeqqata kommunea, Kommuneqarfik Sermersooq aamma Kommune kujalleq imaannaanngitsunik ukiumi nutaami unammilligassaqarput.
Kommunet pinngitsoqaratik suliffissat amerlanerusut pisariaqartippaat ukiuni makkunani aningaasakilliorfiusuni. Taamaammat pissangallutik utaqqivaat aatsitassarsiorneq uuliasiornerlu inuussutissasiutitigut qanoq periarfissiiumaarnersut.
Tamakkuussagunarput borgmesteri attoqillakkumaagaat ukiortaami oqalugiarnissaminni. Taakku januarip aallaqqaataani nalunaaqutaq 15.30 aallartittumik aallakaatinneqassapput.
Borgmesterit tamarmik immikkut minutsini 15-ini oqalugiarsinnaapput.
Aallakaatitassat tulleriiaarnerat takusinnaavat ”radio” imaluunniit ”tv” toorlugit KNRip nittartagaani.