Borgmesterip angalanera isornartorsiorneqarpoq

Aalborgip kommuneqarfiani qaffasissumik atorfillit qinikkallu arlallit qanittukkut Nuummiipput, Aalborg Dagemik taallugu aaqqissuussinermut peqataajartorlutik. Qinikkat atorfillillu katillugit aqqaneq-marluk Nunatsinnut angalapput, angalanerallu 250.000-it koruunit missaannik akeqarsimalluni.
Allattoq Mads Lynge
aggustip 29-at 2011 09:09

- Taamatut aaqqissuussisoqarneranut aningaasartuuteqarnissaq apeqquserneqarsinnaavoq. Aalborgip kommuniani aningaasakilliortoqarnera, kommuninilu allani aningaasakilliortoqarnera, Socialdemokratit SF-imeersullu oqaatigiuarpaat, konservatiivit Aalborgip kommuniani ilaasortaatitaasa siulittaasuat Thomas Krarup aviisimut Nordjyske Stiftstidendemut oqarpoq.

Inuup ataatsip marlullunniit angalanerat naammassimassanerarpai.

Aappaagumut missingersuutit pillugit isumaqatigiinniarnerit aallartingajalerput, Dansk Folkepartimilu ilaasortat aamma isornartorsiuipput.

Aalborgip borgmesteriata Henning G. Jensenip Kalaallit Nunaannut angalaneq pingaarutilittut nalilerpaa.
Kalaallit Nunaata Aalborgimik suleqateqarluarnera taassuma tunngavilersuutigaa, inuussutissarsiutitigut suleqatigiinnerit allatigullu suleqatigiinnerit pingaarutilittut nalilerneqartariaqarmata, Henning G. Jensen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq