Borgmesteri: Tapiissutit amerlagisassaanngillat

- Qaasuitsup kommunea Avannaata Qimussersuani aaqqissuussinernut tunniussimajunnaarpat - Avanaata Qimussersuaqartarneq uniivilluni unissaaq!" Qaasuisutsup Kommueani borgmesteri aamma kommunalbestyrelsemi aningaasaqarnermut ataatsimiititaliami siulittaasoq Jess Svane oqarpoq, taassumali erseqqissarpaa, Avannaata Qimussersuaqatarnerup unitsinneqarnissaa kissaatigineqanngimmat.
Allattoq Jaaku Lyberth
marsip 19-at 2012 13:37

Avannaata Qimussersuaqarnissamut tapiissutigineqartut  550.000 koruunit timersortartunut tapiissutigineqartartunut allanut sanilliullugit amerlagisassaanngillat, Jess Svane oqarpoq.

Timersornernermut kulturikkullu aaqqissuussinernut kommune 7 million koruuninik immikkoortitaqartarpoq maannakkullu 2 million koruunit missaanniittut tunniunneqarput. 

Kommuunit kattutinngikkallarmata timersortartut kulturikkullu suliaqartut angalanerinut  aningaasartuutaasa 75 procentii kommunenit tapiiffigineqartarput.

Kommuunit 2009mi kattunnerisa kingorna Qaasuitsup kommunea kulturimik suliaqartut timersortartullu angalanerinut tapiissutit  65 procentinut appartinneqarput.

Qimussertartut Kattuffiat, pisortat aningaasaliissutaannik isumalluuteqarnertik unitsillugu, periarfissanik allanik nassaarniarnissaannik Qaasuitsup kommuneani borgmesterimit Jess Svanemit kajumissaarneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq