Borgmester Svane: Nunaqarfimmiut illoqarfinni suliffissarsiorlik
Royal Greenlandip Kangaatsiami tunitsivini nunaqarfinniittullu marluk matusariaqarlugit nalunaarutigeqqammerpaa, borgmesterillu nunaqarfinni suliffisakinnerusunittut illoqarfinnut suliffissaqarnerusunut nutseqqullugit kaammattorpai.
- Tassa nassuerutigisariaqarput nunaqarfinni massakkut suliffinnik ataavartunik pilersitsinissaq assut ajornakusoortoq, taamaammat aalisarneq isiginiartorujussuaarput pinngitsoorsinnaanngisarput, Jess Svane radioaviisimut oqarpoq.
Aalisarneq ajutooqqissagaluarpat Qaasuitsup kommunia qanoq iliulersaarnersoq aperineqarami akivoq:
- Aalisarnikkut iluanaarsinnaaneq ukiorparujorujussuarni sumiiffimmiit sumiiffimmut nikeranikuvooq. Kommunitut ataasiakkaattut sorsuuteqartoqartarsimavoq aamma kattunerup kingorna aamma suli taamaappoq.
Nunaqarfinni suliffissanik ataavartunik pilersitsinissaq assut ajornartoq oqaatigereermagu, apeqqutigineqarmat taava nunaqarfimmiut oqarfigineqartariaqarnersut, taava suliffissalinnut nuunniaritsi, akivoq:
- Taanna isertuunneqarsinnaanngilaq aamma siusinnerusukkut oqaatigisareernikuuvarput. Aamma innuttaasut nammineqqinnaaq periarfissanik pitsaanerusorisanik ujaasillutik tikerartorujussuanngornikuupput aamma qangarsuarli taamaareerpoq, taanna takornartaanngilaq, Qaasuitsup kommuniani borgmesteri Jess Svane radioaviisimut oqarpoq