Borgmester Anniitap Aqqusernga atoqqaarfissiorneqarpoq
- Allunaasamik qiorsinissannut erinisussimaqaanga, nuanneqaarlu peqataatinneqarsinnaalluni, ilimagivaralu Agnethep qilammiit takusimassagaanga aamma tulluusimaarutigisimassagaanga, Agnethe Davidseniugaluup ernutaa Napaartoq Lund Hansen oqarpoq.
Nuummi Kommunalbestyrelsemi ilaasortat Agnethe Davidseniugaluaq eqqaaniarlugu aqquserngup atissaa ataasinngormat akuersissutigaat. Taassumap ukiorpassuarni aqqusinertaassap pilersinneqarnissaa sulissutigisimavaa.
Allunaasamik qiorsereernerup kinguninngua aqqusinertaami arpaliuttoqarpoq innuttaasullu naluttarfiup Maliup saatungaani kaffillerfigineqarlutik. Borgmester Anniitap Aqqusernga entreprenørfirmamit Larsen & Co-mit sananeqarpoq. Aqqusinertaallu sananeqarnera nunani allani siunnersortinit nersorniarneqartartoq Nuuk Ugeavisemi allaaserineqarpoq.
