Bonus Pointit atorsinnaanngillat
Bonus System timmisartortitseqatigiiffiup SAS-ip ingerlatarivaa, Air Greenland-illu timmisartuinut ilaaniarluni inniminneeriaaseq allanngormat, SAS-ip tamanna atorusukkunnaarpaa. SAS Air Greenlandilu maannakkut isumaqatigiinniarput angalatilluni katersat atorneqarsinnaalernissaat anguniarlugu, Air Greenlandip nittarsaassinermut pisortaa Christian Keldsen oqarpoq.
- Timmisartumi ilaalluni angalanermi bonus pointinik katersineq ingerlaannarpoq, maanakkulli katersat Air Greenlandip timmisartuinut ilaatilluni atorneqarsinnaanngillat, bilitsinik inniminneeriaaseq allanngortinnikuugatsigu, Air Greenlandip nittarsaassinermi pisortaa Christian Keldsen oqarpoq.
Bonus Pointinik katerseriaaseq timmisartortitseqatigiiffip SAS-ip ingerlatarivaa, SAS-illu kissaatiginngilaa Air Greenlandip bilitsinik inniminneeriaasiata nutaap atornissaa. SAS-ip bilitsinik inniminneeriaasianut maannakkut atttavilerniarsarivugut tamannalu teknikkikkut ajornartorsiutitaqarpoq, Christian Keldsen oqarpoq.
Taamaattorli Bonus Pointinik katersineq ingerlaannarpoq Air Greenlandilli timmisartuinut ilaatilluni atorneqarsinnaanngikkallarput, neriuppugullu ukiumi nutaami tamanna aaqqinneqarumaartoq.
Bonus pointinik katersat timmisartortitseqatigiiffinni allani atorneqarsinnaapput. SAS-ip bonus pointinik katersueriaasia Air Greenlandip bilitsinik inniminneeriaasianik nutaajusumik misilittarneqarpoq, naatsorsuutigineqarporlu ukiumi nutaami bonuspointsystem atuleqqinneqarumaartoq.
