Amerikap kujataata præsidentia Evo Morales aammalu illuatungiliuttut siuttuat Morio Cossio illoqarfiit pingaarnersaanni La Paz-imi naapinniarlutik isumaqatigiipput tassani naapinnermi misilillugu isumaqatigeeriarniarlutik.
Naapeqatigiittoqarnissaanik nalunaaruteqartoqaqqammersorlu Boliviap ilaani Amazonimi sukannersumik naalakkersuisoqarnissaanik atuutilersitsisoqarpoq.
Guvernørit arlariit sakkortuumik oqaaseqartartuusut præsident Moralesip aaqqissuusseqqinneranut akerlilersuisuupput, akerlilersuisullu taakku uuliamik gassimillu aningaasat isertitsissutaasut nunap immikkoortortaata iluaniinnaq kaaviiaartinneqarnissaat anguniarsaraat. Præsident Evo Moralesilli kissaatigineruaa nunap nukissiuutitigut pisuussutai Boliviamut tamarmut assigiimmik aaqqinneqartariaqartoq.