Boeing 757 Kunuunnguaq ukiuni qulini

Timmisartortitseqatigiiffiup Air Greenlandip timmisartuata Boeing 757-ip, Kunuunnguup, ukiuni qulinngortuni imarpik qulaallugu timmisartuussisarnera, ippassaq maajip ulluisa aqqaneq aappaanni malunnartinneqarpoq.
Allattoq Jaaku Lyberth
maajip 13-at 2008 05:16

Københavnimit aallalinnginnerani Kangerlussuarmullu minnerani kingorna tamanna malunnartinneqarpoq.

Københavnimit aallalinnginnerani ilaasussat timmisartumut ikinnginneranni erinarsoqatigiinnit Avaakkunnit erinarsorfigineqarput aammalu Kaaginik champagnemillu sassaallerfigineqarlutik. Air Greenlandip pisortaanera Michael Binzer timmisartumut ilaasussat ikilinnginnneranni oqalugiarpoq. Timmisartup Kunuunnguup Københavnimit Kangerlussuarmut ingerlaarnerani ilaasut tunissutinik tunineqarput unammisitsineqarlunilu. Kangerlussuarmit Købehavnimut ilaasussaat lagkagenik sassaallerfigineqarput, ilaasussallu timmisartumut ikilinnginneranni Andreas Uldum Jan Hilmar-ilu erinarsorlutik nipilersorlutillu aliikkusersuillutik.

Air Greenlandimik angalasut 400-it missaanniittut taamaalillutik pinsep ulluisa aappaanni immikkut ittumik misigitinneqarput.

Air Greenland ullumi atlantikoq qulaallugu nalinginnaasumik timmisartuussissaaaq, ukiunilu tulluittuni qulini timmisartuussisarnini aallartissallugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq