Boeing 757 kinguaattooqqippoq
Air Greenlandip timmisartorsua kinguaattooqqippoq.
Boeing 757 Narsarsuarmut Narsarsuarmillu Atlantikoq ikaarlugu aggustip aappaanni timmisartuussisussaagaluaq aggustip pingajuannut naammassineqarsinnaasimanngilaq, taamaattumillu sisamanngornermi aggustip ulluisa pingajuanni angallassinissaralui tamarmik unitsinneqarlutik.
Timmisartorsuaq teknikkikkut akornuteqarluni ullumi angallassinngitsoorpoq, akornutaalu marlunngornermi iluatsinneqanngimmat, allamik angallassisussamik ujarlernerugaluaq iluatsitsiffiunngimmat, sisamanngornermi angallassinissat unitsinneqarput.
Air Greenlandip Narsarsuarmukartussat Narsarsuarmillu ilaasussatik tamaasa qinnuigaat nittartagartik, Tekst TV aamma angalanissamik paasissutissiisarfiit atorlugit qaqugu aallarnissartik malinnaaffigeqqullugu.
Air Greenland timmisartorsuup Narsarsuarmukartussap qanoq pinissaanik annertunerusumik kingusinnerpaamik sisamanngornermi tusagassiuutinut nalunaaruteqaqqissaaq.
