Blekingegadebandenikkut siuttuat Danmarkimi eqqartuussaarusukkaluarpoq
Uffe Ellemann Jensenilli taamanikkut neqeroorut tamanna danskit oqartussaqarfianut ingerlateqqissimavaa.
Blekingegadebanden tassaapput Danmarkimi pinerliiniartartoqatigiit pikkorilluinnarlutik tillinniariarlutik aningaasanik isertortumik avammut nassiussuisarsimasut, taamalu aamma inuartarinnissimasut. Taakkuttaaq danskit politiivinit pasineqarput svenskimik milliarteerimik aallarusseriaraluarsimasutut.
Taakku siuttuata Uffe Ellemann Jensen neqeroorfigisimagaluarpaa Danmarkimi uppernarsaasutut eqqartuunneqarsinnaalluni taamaalillunilu atini tusaamanerlugaajunnaartinniarlugu.
Blekingegadebandenikkulli pillugit politiit paasiniaasut siuttuat Jørn Moos isumaqarpoq Kubaa killisiorneqartuuppat pingaarutilinnik nutaanik immaqa paasisaqarsinnaagaluarlutik.
- Ilisimasimanngilara Kubaa-p Danmarkimi eqqartuussivimmi eqqartuunneqarusussimanera, tassami pinerliiniaqatigiit taakku annertunerusumik qanillisimanngilagut taamaattumik angut taanna oqaloqatigerusussinnaagaluarpara, politiit paasiniaasartut ittuat taama aviisit ilaanni issuarneqarpoq.
Politiit taakkununnga attaveqartarsimannginnerat pissuteqarpoq Danmarkimi politikkerit qulliunerusunilu atorfillit Danmarkimi pinerliiniartoqannginniassammat politiinut killilersimaarinnittarsimammata.
