Blekingegadebanden-imi ilaasortat ilaat peqqissiminerarpoq

Pinerlunniartartut Blekingegadebanden-imik taagorneqartut Københavnimi kalaallit illuutaata saniani allakkerisarfimmi, ukiut 21-t matuma siorna tillinniarlutik, politiimik ataatsimik toqutsisut ilaat, misigisani pillugit siullerpaamik ullumi oqaluttuarpoq. Blekingebandenip filmiliarineqarnerata takutinneqaqqaarneranut atatillugu tusagassiortunik katersuutsitsineq iluatsillugu pinerlunniat ilaat, Bo Weimann, pinerlunniaqataasarsimanini peqqissimissutigalugit oqarpoq.
marsip 18-at 2009 17:17

Taama kingusitsigisukkut saqqummernera nersorneqaatigisinnaanngilara. Ullumikkut oqaluttuarsinnaalertinnanga misigisimasakka eqqarsaatigilluaqqaartariaqarsimavakka, peqataaffigisarnikuusakkalu pillugit qanoq misigisimanerlunga maluginiarluaqqaarsimavakka. Minnerungitsumik pinerlunniarnitsinni inunnik eqqorneqarsimasunik inuiaqatigiillu ataatsimut isigalugit innarliisimanerput peqqissimissutigaakka, Bo Weimann oqarpoq. Kina taamani politiimik toqutsisuunersoq paasineqartinnagu pisimasut puigorneqarsinnaassasut ilimagineraa, Bo Weimann aperineqarami naatsumik akivoq:

Naamik tamanna ilimaginngilara.

Bo Weimann ullumi apersorneqartilluni oqarpoq, nammineq allakkerisarfimmi tillinniaqataannginnami, politeeq inuusuttoq kiarpiaap toqunneraa nalullugu. Blekingegadebandenimi ilaasut pinerlunniartarsimanerannit pisimasulersaarutigalugu filmiliaq, KNR-TV-kkut ullut arlaqanngitsut qaangiuppata takuneqarsinnaassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq