Blair tunuarumavoq

Tuluit ministeriunerata Tony Blair-ip Sedgefield-imi qinersivimmini, nalunaarutigisimavaa tunuarniarluni. Danmark´s Radio taama allappoq. Tamanna pissaaq Labourikkut junip 27-ianni nutaamik siulittaasussaminnik qinersippata. Aatsaat taamaali-soqareerpaat pisortatigoortumik Tony Blair, Dronning Elisabeth-imit tunuartinneqarumaarpoq.

Taamatut nalunaaruteqartoqarnissaa sivisuumik utaqqineqarsimavoq, ilimagineqarnepaavorlu aningaasaqarnermut ministeri; Gordon Brown-ip kingoraassagaa.

Tony Blair ukiuni qulini ministeriunertut atuussimavoq. Isumasiuinerillu malillugit Labourikkut inissisimanerat atsaat taama ajortigilermat tunuarniarlerluni.

Blair-ip 54-nik ukioqartup kukkussutigisarsimasani nassuerutigisimavai, tamannalu ajuusaarutigigini. Oqaatigaluguli, 1945-p kingornatigulli tuluit sulif-fissaqartinneqarneratigut allanik taama pitsaatigisumik qulakkeerinnittoqarsimanngitsoq.

Oqalugiaataa suliarisimasaanik uteqqiineruvoq, Tony Blair naalagaaffimmi siuttuusimavoq. Naggataasersornerminilu oqaatigalugu Tuluit Nunaat silarsuarmi pitsaanerpaasoq.

- Assani uummamminut tutsillugu: Oqarpoq; Taamaaliorpunga isumaqarama ajunngitsumik iliorlunga, siullerpaamillu katersuussimasunit ersaattaanneqarluni.