Biskoppi nassuerpoq soraarniuteqarlunilu

Belgiami biskopip ilagiinni katuullini inissisimanini atornerlullugu kinguaassiuutitigut atornerluisimanini maanna nassuerutigaa.
Allattoq Elisa Isaksen
apriilip 23-at 2010 14:57

Bruxellesimi tusagassiortunik katersortitsinermi Belgiami ilagiinnit katuullinit pisimasoq saqqummiunneqarpoq, kisianni biskopi pineqartoq 73-inik ukiulik Roger Vangheluwe nammineerluni najuutinngilaq.

Tamatumunnga taarsiullugu nalunaarutaa tusagassiortunut atuarneqarpoq.

- Biskopinngornissara sioqqullugu aamma biskopinngoreernerma kinguninnguagut nukappiaraq ilisarisimalluagara kinguaassiutitigut atornerluttarpara, biskopi nalunaarummini ilaatigut allappoq.

Atornerlunneqartup atornerlunneqarnini suli kingunerlutsikkaa allakkani aamma oqaatigineqarpoq.

- Ajoqusiisimanera suli qaangiutinngilaq. Tamanna uannut ajoquserneqartumullu atuuppoq. Tamanna ajuusaarutigeqaara, biskopi nalunaarummini allappoq.

Biskopip soraarniutini pavemut nassiutereersimavaa, Belgiamilu ilagiinnit katuullinit oqaatigineqarpoq tamanna pavep akuerereeraa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq