Birger Poppel: Nunaqarfiit akisunerunersut uppernarsaatissaqartinneqanngilaq

Nunaqarfiiit tamaasa akissaqartinneqannginnerarlugit Palle Christiansenip oqaasia arlalinnit qisuariarfigineqarpoq. Soorlu Issittumi inuuniarnikkut atukkat pillugit misissuisut pisortaat Birger Poppel sakkortuumik qisuariartunut ilaavoq.
oktobarip 14-at 2009 17:02

Taanna isumaqarpoq, nunaqarfimmiut illoqarfimmiunut sanilliullugit ingerlatsiviginerat akisunerunersoq uppernarsaatissaqartinneqanngitsoq.

Tamanna pillugu ilisimasatuavut 1990-ikkut qiteqqunneqanni misissuinermeersuupput.

Misissuinermi tassani nunaqarfimmiunmut ataatsimut ukiuni taakkunani aningaasat agguaqatigiisillugu 13.000 koruunit ukiumut aningaasaliissutitut nuunneqartartut inerniliunneqarpoq, maannakkut aningaasaliissutitut nuunneqartartunit allaanerunatik. Aningaasaliissutitullu nuussinerit taakku qanoq atugassiissutigineqarlutik taamani pisarsimanerat matumani soqutiginartuuvoq. Taamani nunaqarfinnut aningaasaliissutitut nuussinerit inuussutissarsiutinut tunngassuteqarnerusimapput illoqarfinnullu aningaasaliissutitut nuussinerit isumaginninnermut tunnganerusimallutik. Taamaalilluni nunaqarfinnut aningaasaliissutitut nuussinerit arlaatigut inunnik suliaqartitsinermut sunniuteqaqataasimasut illoqarfinnulli aningaasaliissutitut nuussinerit uninngaannarluni pilersortinnermut tussimasut oqaatigineqarsinnaallutik. Misissuinermilu kingullermi pigisatsinni tapiissutit tamakkerlutik ilaatinneqanngitsut, pisortat tapiissutaat isumaginninnikkullu tunniuttagaat tamakkerlutik ilaatinneqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq