Bin Ladenip tigusarineqarnissaanut akissarsiassat marloriaatinngortinneqarput
Peqqarniisaarniartartut al-Qaeda-kkut siuttuannik tigusarinnissinnaannginnertik amerikamiut maanna neriuutaarutigilermassuk, angutip taassuma pisarineqarnissaanut akissarsiassat annertusineqarput marloriaatinngortinneqarlutik.
Angummut taassumunnga assingusumik takunnissagaluaruit, USA-milu oqartussanut tunniullugu 50 millioni dollarsinik, tassa 270 millioni koruunit missaannik pissarsisinnaalissaatit.
USA-mi senatip tamanna aalajangeqqammerpaa.
87-it akuersipput, ataaserlu akerliulluni.
Ukioq 2001-imi New Yorkimik Washingtonimillu Al-Qaeda-kkut saassussinermisulli maanna nukittutigileqqissimasut, USA-mi naalagaaffiup isertortumik paasiniaasartuinit nalilerneqareersut, USA-mi senati taama aalajangiivoq.
Bin Ladenip ujaarineqarneranut atatillugu suliaq qanoq ingerlanersoq USA-mi nunanut allanut ministereqarfiup illersornissamullu ministereqarfiup qaammatit pingasukkaarlugit nalunaarusiortalissasoq senatip aamma aalajangerpaa.