Bin Laden saassunneqarami sakkoqanngilaq
Taamakkaluartoq bin Laden imminut illersorniarsimasoq, USAp præsidentiata oqaaseqartittagaata Jay Carneyip oqaatigaa.
Amerikamiut sakkutuui saassussimmata bin Ladenip nuliata toqutaasimaneranik oqarneq ilumuunnginnerarpaa, taamaattorli niumigut aallaaneqarsimasoq oqaatigalugu.
Amerikamiut sakkutuuisa saassussineranni Osamap nuliata uini illersorniartillugu toqutaasimaneranik amerikamiut atorfilittaannit ippassaq oqaatigineqatineqartoq, taamaalilluni ilumuunnginnerarneqarpoq.
Osama bin Ladenip timaata toqungasup assinga tamanut saqqummiunneqassanersoq USA-p præsidentiata illorsuanit isumaliutigineqarpoq. Assit amiilaarnartut tamanut saqqummiunneqaraluarpata nunarsuarmi islamisiortut ingasattajaarniat kamannerannik kinguneqarnissaa USA-mi naalakkersuisuinit ernummatigineqarpoq.
