Videoliaq, minutsinik 47-nik sivisussuseqartoq, timmisartortartut 19-it septembarip ulluisa aqqarnganni 2001-imi timmisartunik ilaasartaatinik sisamanik tiguaariarlutik, New Yorkimi World Trade Centerimut, Washingtonimi Pentagonimut Pennsylvaniamilu narsaammut imminut toqoriaatigalutik aportunut, nersorinnissummik imaqarpoq. Taama naliliivoq peqqarniisaanernut paasisimannilluartoq, Laura Mansfield.
- bin Ladenip videoliami assinga uninngasoq, tassa stillfoto, sapaatip akunnerani kingullermi videoliatulli isikkoqarpoq, tassa nutaamik asseqanngilaq, Laura Mansfield TV-qarfissuarmut CNN-imut oqarpoq.
Video-p ullumi nassiussuunneqartup bin Ladenip assingata saniatigut imaraa bin Ladenip Waleed al-Shehrimik nersorinninnera, minutsinik 15-inik sivisussuseqartoq. Waleed al-Shehri-p timmisartoq American Airlines Flight 11 Bostonimiit Los Angelesiliartoq tiguariarlugu, New Yorkimi illorsuup avannaatungaa aqqusaalutorineqarmat, Waleed al-Shehri timmisartumeeqataavoq.