Bilitsit akikitsut kingunerlutsitsisinnaapput
Timmisartortitseqatigiiffik SAS ilaaffigalugu Danmark-liarniarluni akikitsumik bilitsigaanni angalaneq akisunaarneqarsinnaavoq.
Assersuutigalugu timmisartortitsiseqatigiiffik SAS akikitsumik Sisimiuniit Københavnimut angalanissamut neqerooruteqarpoq, taannali mianersuunneqartariaqarpoq.
SAS-ip timmisartua Kangerlussuarmiit København-imut ingerlasussaq Kangerlussuarmi angumerinngikkaanni angalasumut akisuunngorsinnaavoq. Angalasussap Kangerlussuarmiinnini nammineq akilertussaavaa kiisalu SAS-ip timmisartua Købehavniliartussaq tulleq inissaqassappat aatsaat ilaasinnaassalluni.
- Tamanna ajuusaarnartorujussuuvoq. SAS-ip aamma Air Greenland-ip akornanni suleqatigiinnermi teknikkikkut ajornartorsiutit suli aaqqissinnaanngisagut peqqutaapput, SAS-imi tuniniaanermut nittarsaassinermullu pisortaq Lars Bording aviisimi AG – imi taamatut issuarneqarpoq.