Biilit quleriaammik amerlanerulersimasut

Nunatsinni biilit ukiut 50-it ingerlaneranni, taamanikkumut naleqqiullugu quleriaammik amerlanerulersimasut, Kalaallit Nunaata Naatsorsueqqissaartarfiata nalunaarusiaani takuneqarsinnaavoq.

Biilit 4.000-it Nunatsinni illoqarfinni tamani ullumikkut ingerlaartarput, taakku saniatigut biilit usisaatit minnerit lastbiilillut 1.339-it aamma aqqusinertigut ullumikkut ingerlaartarlutik.

Biililli ullumikkut amerliartorunnaarsimasutut isikkoqartoq, Naatsorsueqqissaartarfik allappoq. Siorna 2013-mi januaarip aallaqqaatannut naleqqiullugu ukioq manna januaarip aallaqqaataani biilit nutaat aqqusinertigut ingerlaalersimasut qaffariaataat taamaallaat 0,3 procentiuvoq.

Nunatsinni biilit allattorsimaffinniittut ullumikkut 6.680-upput, taakkununnga ilaallutik qamussuit oqimaatsut, qamuteralaat aamma biilit kalittagaat assartuutit katillugit 803-it, taakku siorna allattorsimaffinniilersut.