Biilit qisunnik nerrisinik ingerlasalissapput
Japanimigooq avatangiisinut ajoqutaanngitsumik nutaaliamik orsussamik atugaqarnialerput.
Biilinngooq qisunnik nerrisinik ingerlasalissapput, dr nittartakkamini ullaaq manna taama allaaserisaqarpoq.
aggustip 28-at 2007 08:12
Japanimiut qisuit nerrisit ataasiartakkat agguaqatigiissillugu 200-t ukiumut atortarpaat. Tassa qisuk katillugu 90.000 tonsi. Qisuillugooq nerrisit taakku igiinnarnagit atoqqitassanngorlugit katersortalerniarpaat, orsussaliarisalissallugit.
Silap kissakkiartornera sapinngisamik annikillisarniarpaat, japanimiullu avatangiisinik mianerinninneruernissaat anguniarneqarpoq.
Neriniartarfiit pisiniarfiillu silataanni karsinik ilioraasoqarniarpoq, japanimiullu qisuit nerrisitik karsinut taakkununnga tassa iliinnartassavaat.
