Biilit assakaasui quaannaveeqqutillit mingutsitsinerusut
Aqqusinernik nungullartitsisaqaat, aqqusinernilu angallaffiusuni pujoralammik annertuumik pilersitsisarput, pujoralaallu silaannarmut qangattartut inuit puaannut aamma pisarput. Pujoralaat qanoq navianartiginersut erseqqissumik ilisimaneqanngilaq, navianartuuneralli assortorneqarsinnaanani, peqqissutsimut avatangiisit pillugit professori, Københavnip Universitetianeersoq, Steffen Loft oqarpoq.
Biilit assakaasuisa quaannaveeqqutaasa aqqusinernik mangiaaleraangamik pujoralannik pilersitsisarnerat, issanngusartunik kiisalu bronkitiseqartunik ajornerulersitsisarput. Aamma pujoralaat taakkua uummalluttunik uummallunnerulersitsisarput.
Eqqoqqissaartumik naluarput, pujoralaat biilit assakaasuisa quaannaveeqqutaasa pilersitaat peqqissutsikkut qanoq ajoqusiisartiginersut.
Pujoralaalli ulorianannginnerusut ilisimasaqarfigilluakkavut tassaapput, soorlu; benzinap pujua, qisuilluunniit ikumasimasut pujuat, paaq, pujoralaat tamakkua annertuumik ilisimasaqarfigigaatsiarpavut, Steffen Loft oqarpoq.
Silaannaap mingutsinneqarneranut atatillugu misissuisartoqalermalli, pujoralaat biilit assakaasuisa quaannaveeqqutillit atorneqarnerinit pilersinneqartartut sukumiisumik misissuiffigisarsimanngilaq.
-Pujoralaalli biilit assakaasuisa quaannaveequtaasa pilersitaat maannakkut ajornartorsiutaalernerat takkuppoq, pujoralaallu tamakkua qanoq ulorianartiginerannik misissueqqissaarnissat USA-mi kiisalu nunani avannarlerni soorlu, Norgemi, Sverigemi kiisalu Finlandimi tullinnguuppoq, Steffen Loft oqarpoq.
taanna isumaqarpoq pujoralaat tamakkua amiganngitsumik silaannarmut qangattakaasarsimaniarunik inuit peqqissusaannik aamma mangiaasarsimanngittoornavianngitsut.
-Tamanna qularutissaanngilaq, qanorli ajoqusiisartiginersut apeqqutaaginnarpoq, Steffen Loft oqarpoq
Misissuinerit takutippaat biilit assakaasui quaannaveeqqutillit arfineq marloriaammik assakaasunik naliginnaasuniit silaannarmut mingutsitsinerusartut.
