Biilit aqquserngup sinaanut nakkaqattaarput
Nuummi aqquserngit quatserujussuaraluarnerat angallannermi arlalitsigut ajutoorfiuvoq - qujanartumik annerusumik ajoquserfiunngitsumik.
Allattoq Noah Mølgaard
Sila issileraluarsinnarluni issagisserujussuarpoq kinguninngualu nillerteqqilluni. Taamaasimmat Nuummi aqquserngit quasattorujussuanngoraluarput ilaatigut quaannermi biilit aqukkuminaatsinneqartarlutik.
Nuummi politiit quatsinnerata nalaani aqqusinerni ajutoornernik arfineq pingasunik nalunaarutiginniffigineqarput taakkunanngalu amerlanerit ikinngutit saneqquttullu allat ikiorsiullugit qaqisarput.
Bussit ingerlaarnertik aamma pissutsinut naleqqussartariaqaleraluarpaat bulldozerilu ataaseq aqquserngup sinaanut nakkaraluartoq ikiorneqartariaqarsimavoq.