Biilinik aallarussisut ajutoortut
Nalunaaqutaq 01.20 Nuummi Politiit takunnissimasumit nalunaarfigineqarput. Takunnissimasup biilit 400-jortalimmi ajutoorsimasut takusimavai inuusuttuaqqallu marluk 18-it missaanni ukioqassangatinneqartut takusimallugit. Henrik Madsen Nuummi politiineersoq KNR-imut ilisimatitsivoq.
Inuusuttup aappaa nerinnattutut taaneqarpoq qernertumillu nasartalimmik tujuuloqarluni. Aappaa saluttutut taaneqarpoq qernertunillu atisaqarluni.
Politiit suliaq paasiniaaffigaat takunnissimasinnaasunillu allanik ujartuilutik. Takunnissimasinnaasut tusagaqarsimasinnaasulluunniit politiinut 70 14 48-umut sianeqquneqarput.
Biilinik piginnittut mianersoqquneqartut
Aasaq Nuummi biilinik aallarussisarneq ajornartorsiutaavoq. Isertugaanngilaq biilit pisoqaanerusut aallarunneqakkajunnerunerat. Taamaammat politiit kaammattuipput biilinik piginnittut biilitik matui parnaartassagaat.
