Biili sikukkut nakkarpoq

Solar uulia 900 literi assartorlugu biili sikukkut ingerlaartilluni Ilulissat avannaani Paakitsumi imaanut nakkarluni kivivoq.
Allattoq Noah Mølgaard
maajip 31-at 2011 08:17

Sanaartornermik suliallit Ístak, erngup nukinganik nukissiorfiliortut, diesel uuliamik arsartuitillutik ajutoorput. Siku biilinik ingerlaarfiat ilimagisamit saanneruvoq. Taamaasilluni biili solar uuliamik 900 literimik tanki matoqqasoq atorlugu assartuisoq sikukkut nakkarluni Paakitsup ilorlianik taaneqartartumi imaanut kivivoq.

- Ajutoorfimmi siku ilimagisamit saannerusimasoq kiisalu kiatsikkiartornerata siku saalisissimassagaa ajutoornerup patsisigigunarpaa, nakkutilliisoq Ole Kristensen Nukissiorfiit nittartagaat malillugu nalunaarpoq.

Ìstak KNRimut nalunaarpoq ajutoornermi inunnik ajoqusertoqanngitsoq. Biilimik ingerlatitsisoq periataarallartilluni biili imaanut kivitinnagu niusimavoq. Maannali tassa solar uulia minnerpaamik 900 literi Paakitsup ilorliani immap naqqaniippoq.

- Tanki solarimik imalik matoqqasuuvoq. Taamaattumik mingutitsineqanngilaq ersittumik, taamaakkaluartoq ajutoornerup kingunera pinngortitamut akornusiisimanersoq siku aappat misissorneqassaaq, Nukissiorfiit nalunaarput.

Aamma atuaruk