Biilertoq qulliup napasuanut aportoq
Nuummi biilertoq Eqalugalinnguani ajutooreerluni ambulancenit ingerlanneqarpoq. Ajoquserujussuartoqanngilarli.
Allattoq Kenneth Elkjær
Ajutoorneq Nuummi Eqalugalinnguani KNR-ip eqqannguani nalunaaqutaq 13.20-p missaani pivoq. Politiit biilii ambulancellu ajutoorfiusumukarput.
Biilertup qulliup napasuliaa aporsimagaa, biililu saavatigut qulliullu napasuliaa ajoquserneqartut, politiit paasissutissiipput.
Inuk ataaseq ambulancenik napparsimmaviliaanneqarpoq, politiilli naapertorlugit annerusumik ajoqusertoqanngilaq, ambulancenillu ingerlanneqartoq sakissakkut anniarnerarpaat.