Biibili kalaallisut atuffassissutitut immiunneqartoq
Biibili atuarusukkukku atuarnissaanulli piffissaasuallutit, biibilip kalaallisut atuarneqarnera tusarnaarsinnaalissavat.
Inuunerup Nutaap Oqaluffiata radioaqqat 1000-it seqernup nukinga atorlugu aallakaatitsisinnaasut akeqanngitsumik agguaanniarpai. Inuunerup nutaap Oqaluffiata radioa tassani tusarnaarneqarsinnaavoq, biibilimillu kalaallisut atuaaneq aamma tusarnaarneqarsinnaassalluni. Bibelselskabet.dk taama allaaserisaqarpoq.
Biibilip kalaallisut atuarneqarneranut tunngaviliisoq tassaavoq Bibelselskabetip saqqummersitaata kalaallisut nutserneqarnera.
Radioaqqat Canadami sanaajupput, ilagiit kristumiut peqatigiiffiat Galcom International aqqutigalugu sanaajulluni.
Radioaqqat qarasaasiaaqqamik aamma ikkussiffigineqarsimapput, biibilip atuarneqarnera radiokkut taamaalilluni toqqaannartumik aamma tusarnaarneqarsinnaalerluni.
Biibilimi qupperartoqarsinnaavoq, kapitali sorleq, versiluunniit sorleq tusaarusukkaanni qupperartoqarsinnaassalluni.
