Bidenip ukiorpassuarni siunnersortini Ron Klain atorfilittat pisortassaattut toqqaraa
Amerikami præsidentinngortussap Joe Bidenip ukiorpassuarni siunnersortigisani, Ron Klain, atorfilittat pisortassaattut tassa stabshefissatut toqqarpaa.
Ron Klainip tamanna Twitterikkut uppernarsarpaa.
- Præsidentinngortussap tatiginninneranut tulluusimaarpunga, piginnaasakkalu tamaasa præsidentip illorsuani Bidenip Harrisillu suliffigisassaanni piginnaasaqarluartunik aqutsinissannut tunniunniarpakka, Ron Klain oqarpoq.
59-inik ukiulik Klain taamaalilluni præsidentip illorsuani atorfiit pissaaneqarfiunerpaat ilaannik atorfinissaaq.
AAMMA ATUARUK Republikanerit senatimi amerlanerussuteqarnertik attatiinnarataagaat
Ron Klain inatsisilerituutut Harvard Universitymi ilinniarsimasuusoq inatsisilerituunngoqqammerami, præsidentissatut ajugaaqqammertoq Joe Biden senatoriugallarmat 1989-imi perngaammik sullippaa.
Klain Joe Bidenip Barack Obamap præsidentiunerani præsidentimut tullersortaanerani atorfilittat pisortaatut 2009-miit 2011-mut aamma atorfeqarpoq.
Bill Clintonillu 1995-miit 1999-mut præsidentiunerani præsidentimut tullersortaasumut Al Goremut atorfilittat pisortaattut aamma atorfeqarpoq.