Bidenip Myanmarimi sakkutuut immikkut ittumik sukannersumillu iliuuseqarfigineqarnissaat sioorasaarutigigaa

Myanmarimi sakkutuut naalakkersuisunik uppisitsereersullu Myanmarimut immikkut sukannersumillu iliuutsit eqquteqqinniarlugit, USA-p præsidentiata Joe Bidenip sioorasaarutigaa.

Nunat tamalaat aaqqissuussamik nunamut taassumunnga iliuuseqarnissaat Bidenip ilanngullugu kaammattuutigaa, Myanmarimi sakkutuut pissaanermik tigusisut pissaaneqarnertik taamaatinniassammassuk Biden taama kaammattuuteqarluni.

AAMMA ATUARUK Myanmarimi sakkutuut Aung San Suu Kyi naalakkersuisunik uppisitsinerminni tigusarigaat

Myanmarimi sakkutuut pissaanermik ataasinngornermi ullaakkut tigusinerat, Joe Bidenip maannamut sapaatit-akunnerini marlunni præsidentiusup assuaraa, soorluttaaq Myanmarip aqutsisuata tamat oqartussaaqataanerat aallaavigalugu qinigaasimasup Aung San Suu Kyip tigusarineqarnera assuarigaa.

Myanmarimi sakkutuut naalakkersuisunik uppisitsisut nunap taassuma tamat oqartussaaqataanerannut ikaarsaariartorneranik innarliisut naalagaaffillu inatsisit tunngavigalugit naalakkersugaq aamma innarlerneqartoq, Biden oqarpoq.