Biden qinersinermi 306-inik taasisartunik pissarsilluni ajugaavoq
Naalagaaffinni sinneruttuni marlunni taasinerit kisinneqareermata, Joe Biden ajugaasutut tallimanngornermi suaarutigineqarpoq.
Joe Biden USA-p præsidentissaattut ullumi arfininngornermi oqarsinnaanngorpoq. Taanna 306-inik taasisartunik pissarsinermini qinersigami Donald Trump 232-inik pissarsisoq ajugaaffigivaa, Amerikami tusagassiuutit taama allaaserisaqarput. Assi: Jonathan Ernst/Reuters.
Allattoq Ritzau
novembarip 14-at 2020 12:10
Joe Biden USA-mi naalagaaffimmi Georgiami ajugaasutut nalunaarutigineqarpoq, Donald Trumpilu naalagaaffimmi North Carolinami ajugaasutut nalunaarutigineqarluni.
Joe Biden taamaasilluni qinersisartut sinnerlugit taasisartunik, tassa valgmændinik, 306-inik pissarsivoq, Donald Trumpilu taasisartunik 232-nik pissarsilluni.
Nutaarsiassaqartitsiviit CNN, The Washington Post The New York Timesilu taama allaaserisaqarput.
Joe Biden USA-mi præsidentimut qinersinermi ajugaasutut arfininnngormalli nalunaarutigineqarpoq, qinersisartut sinnerlugit taasisartunik pisariaqartitanik pissarsisimammat, tassa taasisartunik 270-nik amerlanerusunilluunniit pissarsisimammat.
