- Eqqortumik iliornissarsi kissaatigaara. Ajunngitsussaq anguniarlugu akiuussuserneqaritsi. Inuunerit annassinnaavaa, inuillu qanigisavit inuunerat annassinnaavaat. Pisariitsuaraavoq akeqaranilu.Assi: Kevin Lamarque/Reuters/Ritzau Scanpix

Biden pingajussaa akiuussusertittoq

Joe Biden TV-kkut aallakaatitamik akiuussuserneqarnini Amerikamiorpassuit coronavirusimut akiuussusertinnissaanut kaammattuutaanissaanik neriuuteqarpoq.

USA-p præsidentiat, Joe Biden, covid-19-imut pingajussaa ataasinngormat akiuussusertippoq.

Taassuma akiuussusertinneri siulii sakkortusiniarlugit akiuussuserteqqippoq.

Nutaarsiassaqartitsivik Reuters taama allappoq.

Biden, Washingtin D.C.-mi Det Hvide Husimi filmiliorneqarluni akiuussusertippoq.

AAMMA ATUARUK USA-mi angallaffiusuni qanermut assiaqutip atorneqarnissaanut piumasaqaat sivitsorneqartoq

- Covid-19-imut siullermik aappassaanilu akiuussusertinnerma assinganik akiuussusertippunga, Amerikami nutaarsiassaqartitsivimut NPR-imut Joe Biden oqarpoq.

Biden 78-inik ukiulik peqqutissaqarluartumik pingajussaa kapitippoq. Allat aamma pingajussaanik kapitinnissaannut kajumissaarsimassallugit taanna neriuuteqarpoq.

- Eqqortumik iliornissarsi kissaatigaara. Ajunngitsussaq anguniarlugu akiuussuserneqaritsi. Inuunerit annassinnaavaa, inuillu qanigisavit inuunerat annassinnaavaat. Pisariitsuaraavoq akeqaranilu.

Inuusuttut 16-ileereersimasut nunap annersaani pingajussaanik akiuussuserneqarsinnaalernissaat, USA-mi naalagaaffiup pisortatigoortumik aggustimi saqqummiunnikuuaa. Tassalu aappassaanik akiuussusertinnermiit qaammatit arfineq pingasut qaangiunneranni pingajussaat akiuussusertittoqarsinnaasoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat