Biden Xi Jinpingilu isumaqatigiinngissuteqaraluarlutik ataatsimiittut

Kina USA-lu arlalitsigut isumaqatigiinngissuteqaraluarlutik nunat taakkua præsidentii, Joe Biden Xi Jinpingilu, Bidenip præsidentiunerani siullermeerlutik ullumi ataasinngornermi ataatsimiinneranni USA akerleriissutissarsiornianngilaq.

USA-p præsidentiata illorsuani, Det Hvide Husimi, isumannaallisaanermut siunnersorti Jake Sullivan taama oqarpoq.

USA-p Kinallu præsidentii naalagaaffiit G-20-mi ilaasortat ataatsimeersuarnissaat sioqqullugu, Indonesiami Balimi ullumi ataasinngornermi ataatsimiipput.

AAMMA ATUARUK Inuttut pisinnaatitaaffiit Kinami innarlerneqartarnerat Bidenip isornartorsiorniarai

Taakkua ataatsimiinnerat pingaaruteqartut pineqartilllugit annertunerusumik allannguuteqassanngitsoq, danskit nunani tamalaani pissutsinik mississuisoqarfianni (DIIS) ilisimatusartuuneq aamma USA-p Kinallu akornanni pissutsit pillugit suliaqartoq Andreas Bøje Forsby oqarpoq.

USA-mi Repræsentanternes Husip siulittaasuata Nancy Pelosip Taiwanimut aggustimi tikeraarnera nunat taakkua marluk akornanni ataqatigiinnerannut ajortisaataasimasoq, taanna isumaqarpoq.

- Amerikamiullu suleqatigiissutigisinnaasami sinnerinik suleqatigerusunngilluinnarlugit kinamiut Pelosip tikeraarnerata kingorna oqarput, Andreas Bøje Forsby Ritzauimut oqarpoq.