Bidenip itigartitsisinnaatitaanini atorniaraa

- Naartuersissinnaanerup nuna tamakkerlugu inerteqqutaalersinneqarnissaa inatsisartut akuersissutigissappassuk itigartitsisinnaatitaanera atussavara, Joe Biden oqarpoq.
Naartuersissinnaanerup nuna tamakkerlugu inerteqqutaalernissaanut inatsisissatut siunnersuutip USA-mi inatsisartut aappaanni Repræsentanternes Husimi akuersissutigineqarnissaatut isikkoqarpoq. Assi © : Andrew Caballero-Reynolds/AFP/Ritzau Scanpix
Allattoq Ritzau
februaarip 08-at 2023 10:44
Nutserisoq Mads Lynge

USA-mi nuna tamakkerlugu naartuersissinnaaneq USA-mi inatsisartuni akuersissutigineqassagaluarpat, itigartitsisinnaatitaanini atussallugu USA-p præsidentiata Joe Bidenip neriorsuutigaa.

Biden, USA-mi inatsisartunut marlunnut senatimut, innuttaasullu sinnerlugit sinniisoqarfimmut, tassa Repræsentanternes Husimut, ukiumoortumik unnuaq oqalugiarnermini taama ilaatigut oqarpoq:

- Qularutigineqassanngilaq: Naartuersissinnaanerup nuna tamakkerlugu inerteqqutaalersinneqarnissaa inatsisartut akuersissutigissappassuk itigartitsisinnaatitaanera atussavara, taanna oqarpoq.

AAMMA ATUARUK Naartuersissinnaaneq USA-mi West Virginiami inerteqqutiginiaraat

Naartuersissinnaanerup nuna tamakkerlugu inerteqqutaalernissaanut inatsisissatut siunnersuutip USA-mi inatsisartut aappaanni Repræsentanternes Husimi akuersissutigineqarnissaatut isikkoqarpoq.

Naartuersissinnaanerup USA-mi naalagaaffinni tamani pisinnaatitaaffiunissaa, USA-mi eqqartuussiviit qullersaata 1973-imi aalajangigaa eqqartuussivimmit siorna atuuttussaajunnaarsinneqarpoq.

Sapaatit-akunnerit 15-it sinnerlugit naartoreersimagaanni naartuersittoqarsinnaannginnissaa naalagaaffimmi Mississippimi akuersissutigineqarnikuuvoq, inerteqqutillu taassuma atuutsinneqarsinnaanera Mississippimi eqqartuussiviit qullersaata akuersissutigaa.

USA-llu eqqartuussiviisa qullersaata naartuersissinnaanermut pisinnaatitaaffik atuukkunnaarsimmagu aamma aalajangerpaa USA-mi naalagaaffiit ataasiakkaat namminneerlutik tamanna aamma aalajangiiffigisinnaagaat.