Biden: Ukrainimi sorsuunneq ilorraap tungaanukariartuaarnersoq oqaatigiuminaappoq

Ukrainimiut russillu sorsuunneranni nunat immikkoortui russinit tiguarneqarsimasut ukrainimiunit tiguarneqaqqittalerput.

Tamannali Ukrainimi sorsuunnerup ilorraap tungaanut aallarniutaanersoq oqaatigiuminaattoq, amerikamiut præsidentiat Joe Biden nutaarsiassaqartitsivimmit Reutersimit oqarneragaavoq.

Ukrainip avannarpasissuani nuna annertuupilussuaq, Ukrainip sakkutuuinit piffissami kingullermi tiguarneqaqqippoq.

AAMMA ATUARUK USA: Russit sakkutuuisa amerlasuut Ukraine qimappaat

Tamanna neriullualersitsinermik kinguneqartoq ukrainimiut illersornissaq pillugu ministeriata, Oleksij Reznikov franskit aviisiannut Le Monde-mut ataasinngormalli oqaatigaa.

Sorsunneq aalllartimmalli amerikamiut sakkunik aningaasarpassuarnik nalilinnik ukrainimiunut ikiuupput. Ullunilu qaninnerni amerikamiut taamaalioqqinnissaminnik pilersaaruteqartut, nutaarsuiassaqartitsivik Reuters allappoq.