Biatlonertartut Østrig-imi unammeqataassapput
Sisoraatigaluni aallaammik eqqarneq aatsaat taama nunatta nunat tamalaaneersut unamminissaannut pitsaatigisumik inissisimaffigaa, taama naliliivoq nunatsinni sisoraatigalutik aallammik eqqartartartut kattuffianni Grønlands Biathlon Forbundip siulittaaasua Øistein Slettemark.
Kattuffiup nunatsinni unammisartut pingasut sisasamalluuniit world Cup-qarnissaani unammiartortinniarpai, nunarsuarmilu timersuummik taamatumik pikkorinnerpaasut unammineqassallutik.
Sisoraatigaluni eqqartartut pikkorilluartut tassapput Martin Møller aamma aappariit Oystein aamma Uiloq Slettemark.
Inuusuttullu pikkorilluinnartut allat peqataasussat tassaapput Johanne Mikkelsen, Kristian Kristoffersen, Miillaaraq Lennert aamma Niviaq Berthelsen.
Taakkulu decemberip aallaqqaataani Østrigemukassapput, nunani tamalaani Biatlonforbundip nunatsinneersunik qaaqqusimmat.
Biatlonertartut nunatsinneersut Bulgariami EM-toqarnerani aamma peqataasapput.
