Beufortip Imartaa pinnaassutigaat

- Taama aalajangerneq alloriarneruvoq pingaarutilik. Isumaqatigiissutip akuerineqarnissaa Buship kissaatigaa, USA-p nunanut allanut ministereqarfiata oqaaseqartartua Tom Cadey, The Canadian Press-imut ataasinngormat oqarpoq.

Isumaqatigiissut senatip nunanut allanut tunngasunut ataatsimiititaliaanit sapaatip akunnerata siuliani akuersissutigineqareerpoq, senatimilu maanna oqaluuserineqassalluni.

Immat atorneqarnerat pillugu isumaqatigiissut USA-mi atuutsinneqalissappat senatimi amerlanerussuteqarluartunit tapersersorneqartariaqarpoq, tassa senatorit pingasuugaangata marluk akuersisariaqarput.

Tapersiisoqassappat, imartap Amerikap nunavittaata avannaata tungaaniittup USA-mit oqartussaaffigineqarlernissaanut ilungersuutiginninnermi USA sakkussaqalissaaq.

Imartaq Beaufortip Imartaanik taaneqartartoq Canadamiunit aamma piginiarneqarpoq, tamaanilu uulia gassilu annertooq nassaassaasangatinneqarpoq.