ASSIT Angalasut imaannarmi annaanneqartut
Umiarsuaaqqap tingerlaateqarlunilu motoreqartup motoriata Pituffiup eqqaani imartami unittoorsimallunilu tissukaannalersimasoq, Issittumi Sakkutooqarfimmut kalerriutigineqarsimavoq.
Alapernaarsuut Ejnar Mikkelsen Danmarkip naalagaaffiata kippasinnerpaartaani qeqertani Kitsissuni nutaamik erfalasuliiniarluni Pituffiup eqqaaniippoq, tassalu annaassiniartariaqarsimalluni.
Umiarsuaaraq Ejnar Mikkelsenimit akunnernik arfinilinnik ungasitsigisumiippoq, Ejnar Mikkelsenilu apuummat anorersuarujussuartut sakkortutigisumik anoreqarpoq, erseqqarlussimaqalunilu. Ajutoortorli attavigineqarsinnaasimavoq, qanorlu annaassiniartoqarnissaa pilersaarusiorneqarsinnaasimalluni.
Pituutaq Ejnar Mikkelsenimit umiarsuaaqqamut igeriunneqarsinnaasimavoq, umarsuaararlu kalinneqarluni isumannaatsumukaanneqarsinnaasimalluni.
Alapernaarsuut Ejnar Mikkelsen umiarsuaararlu isumannaatsumi kisarfiusinnaasumut arfininngornerup unnuaani anngussimapput. Umiarsuaaqqap ajoquserneri ippassaq sapaammi aaqqinneqarput, umiarsuillu taakku angalanertik nangeqqissinnaalersimavaat