Per Berthelsen: Saamimmut sangorianngilanga

- Tuppalliutigeqaara, ISumuminngaannit tikilluaqquneqarnera. Siumut gruppiata ataqatsimiittarfianut iserama, Siumup Inatsisartunut ilaasortaasa naalakkersuisunullu ilaasortat ersaartaappaannga. Inatsisartunut ilaasortaq, Per Berthelsen, oqiliallaqqaqisoq taama oqarpoq. Taanna Demokraatiniit ilaasortaajunnaarsitaareerluni Siumumut, 2001-mi anisitaaffimminit ullumi ilaasortanngorpoq.
Allattoq Jens Thorin
septembarip 18-at 2008 18:01

- Tatiginninneq ima annertutigisoq, allaat Aningaasaqarnermut Ataatsimiititaliami Akileraartarnermut Ataatsimiisitaliami kiisalu Nunanut Allanut Sillimaniarnermullu Ataatsimiititaliami ilaasortanngorlunga. Demokraatiniluunniit taamatut inississinnaaneq angusinnaasimanmagu. Taakkua saniatigut Inatsisartut Siulittaasoqarfianni aanna ilasortanngorpunga. Ilumut, oqiliallaqaanga.

Maanna suliassarilerpara, uannut suliassiissutigineqartut ilumoorlunga pimoorullugillu suliarissallugit. Tamatumanilu partiimi amerlanerussuteqartut aalajangigaat aallavigissavara.

QANORMI ALCOA NUKISSIORFIILLU?

- Apeqqutit taakkua pillugit gruppeqatinnik oqalliseqateqarnissannut suli periarfissaqarsimanngilaga, piffissaqarfigilaartariaqarpakkalu. Kisianni soorunami aamma siunissami suleriaaseqarniassaanga.

DEMOKRAATIT QEQQANI TALERPIATA TUNGAANI INISSISIMASUT OQARTARPUSI. SAAMIMMUT SANGORIARPIT?

- Naamik. Uummatiga aamma matumani malippara. Taamaammallu maanna siumut isiginiassaanga. Siumumi tikilluaqqusaanerma imminut tatiginerulersippaangaInatsisartunut ilaasortaq Per Berthelsen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq