Per Berthelsen: Nukissiorfiit aningaasanut inatsimmi ilaassanngillat

Aningaasanut inatsisissaq iluarsaataq Naalakkersuisut tamarmik tapersersorpaat. Tamanna Aningaasaqarnermut naalakkersuisup, Per Berthelsenip unnerpaa. Aningaasanut inatsisissami Nukissiorfiit ilaassanngillat. Taarsiullugu Naalakkersuisut piginneriaatsinik assigiinngitsunik misissuipput.
Allattoq Jens Thorin
oktobarip 17-at 2008 14:46

- Ukiumut 150 mio. kr.-nit sipaarutigineqassasut siunnersuutigaarput. Annikitsunik iluarsisassaqarpoq, taakkualu iluarsaanneqareerpata, neriuppunga Naalakkersuisut saqqummiukkumasaat Aningaasaqarnermut ataatsimiititaliamut ataasinngorpat saqqummiutissallugit, Per Berthelsen ullumi oqarpoq

Nukissiorfiit piginneriaatsimik qanoq ittumik aaqqissuussiffigineqarnissaat, aqningaasanut inatsisisap suliarinerani qitiusupilussuuvoq. Naalakkersuisut siulittaasuat kommunit piginneqataasinnaanerat pillugu oqaloqatiginittareerpoq. Kisianni Kommunit piginneqataassappata, tusarniaasoqaqqaartariaqarpoq. Taamaammallu aningaasanut inatsisissamik sulineq kinguartoorsinnaavoq.

- Tamanna naatsorsuutiginngilluinnarpara. Nukissiorfiit aningaasanut inatsimmut attumassuteqarunnaasinnissaannut amerlanerussusiisinnanerluta apeqqutaaginnarpoq. Taanna qulakkeerutsigu, piginneriaatsip qanoq ittuunissaanik aalajangerrnissamut, piffissaq pisariaqartoq atorneqasaaq. Taamaammat aningaasanut inatsisissaq kinguartuussasoq takorluunngilara, aningaasaqarnermut naalakkersuisoq, Per Berthelsen, oqarpoq.

Inatsisartut ukiaanerani ataatsimiinnerminni ullumimiit sapaatit akunneranni marlunni uninngagallassapput, novembarip sisamaani katersuuteqqissallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq