Per Berthelsen: Nuannaarutigaarput Jonathan Motzfeldt utoqqatissuteqarmat

Inatsisartut siulittaasuata Jonathan Motzfeldtip Jens B. Frederiksenimut tallimanngormat ilasseqatigiinnermi pissusilersorneranut nammagittaalliutigineqartoq oqaluuserineqarpoq, naammagittaalliutigineqartoq Jonathan Motzfeldt ataatimiinermut peqataatillugu. Demokraatit siulittaasuat Per Berthelsen oqarpoq, tamannaluunniit eqqarsaatigisimanagu. Per Berthelsen ima oqarpoq:

- Unneqqarillunga oqaatigisinnaavara Jonathan Motzfeldt ataatimeeqataanera eqqarsaatiginnginnakku. Kisiannili nuannaarutigaara inuppalaartumik inersimasorpalaartumillu ataatimiineq ingerlasimammat kiisalu Jonathan Motzfeldtip pisortatigoortumik Jens B. Frederiksenimut utoqqatsissuteqarnera nuannaarutigalugu.

Nuannaarutigaaralu suliaq nuannersumik inersimasorpalaartumik naammassinneqarnera, Per Berthelsen oqarpoq.

Inatsisartut allattoqarfiani direktøri Nikolaj Sørensen-ip oqaatigaa Jonathan Motzfeldtip Inatsisartut Siulittaasoqarfiani ilaaasortaagaluarluni ataatsimiinnermut ilaanera ajorinagu, taamatullu Inatsisartut siulittaasoqarfiani ilaasortat sinnerisa ajoriffissaqartinngikkaat Jonathan Motzfeldtip ataatsimiinermut ilaasimanera.