Per Berthelsen affarmik ajugaassaaq
Atuarfiit namminersortut pillugit Demokraatit siulittaasuata, Per Berthelsenip, siunnersuutaa Inatsisartuni aqagu oqaluuserineqalerpat, inuttaanut namminermut affarmik ajugaanertut isigisariaqassagunarpoq.
Siunnersuut siullermeerlugu oqaluuserineqarmat partiinit tamanit tapersersorneqarpoq – tassa siunnersuummi pineqarluni, atuarfiit namminersortut aallartisarniarnerminnut atatillugu pisortanit aningaasanik atorniarsinnaanissaat.
Siunnersuulli Ilinniartitaaneq pillugu ataatsimiititaliami suliarineqarmat, amerlanerussuteqartut, Demokraatit avaqqullugit, inatsisip oqaasertaanik allanngortitsinissaq siunniussimavaat.
Atuarfiit namminersortut inatsisit tunngavigalugit maanna aningaasaliiffigineqassanngillat. Atuarfiilli namminersortut, pisortani suliffeqarfiit allat assigalugit, aningaasanik qinnuteqarnissamut taarsiullugu periarfissaqalerput.
Per Berthelsen oqarpoq, siunnersuut taamaalilluni maangaannartoq.
Allannguummulli akuersillutik Demokraatit taasiniarput.
