Berlusconip tatiginnikkunnaarmik taasinermit aniguivoq

Italiap ministeriunerata Silvio Berlusconip Underhusimi tatiginninngissummik taasineq anigorpaa, Italiami inatsisartuni ilaasortat 314-it Berlusconimik tapersersuisut 311-t illuatungiliummata.
Allattoq Mads Lynge
decembarip 14-at 2010 10:39

Tassa Underhusimi taasinermi taama taasisoqarpoq, senatimi siusinnerusukkut taasisoqarmat 74-inik ukiulik Silvio Berlusconi amerlanerussuteqarluarpoq.

Nutaarsiassaqartitsivimmi Ritzauimi taama allaaserinnittoqarpoq.

Berlusconilli Underhusimi pingasunik amerlanerussuteqaqqalaarnera alaatsinaattunit maluginiarneqarpoq, naalakkersuisoqataalu aatsaat taama sanngiitsigisutut nalilerneqarlutik. Ajornartorsiutilli tamaanga killeqanngillat. Tassami Berlusconip ukiuni 16-ini politikkikkut sulinermini ajornartorsiutai amerliartuinnarnissaat aamma ilimagineqarmat.

Taasinerit sioqqullugit Underhusimi Senatimilu oqallittoqarnerup nalaani naalakkersuisuutitaqartut illuatungiliuttullu akornanni parrallattoqarami.

Maanna qinigaaffik 2013-ip tungaanut atuuppoq, sioqqulluguli qinersisoqaratarsinnaalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq