Berlin-imi qarmarsuamineq tammarsimavoq
Berlinimi qarmarsuarineqarsimasup ilamernga tammarsimavoq.
Qarmarsuup ilamernga Berlinip illoqarfittaata qiterpasissuaniittoq, 18 meterisullu takitigisoq, peerneqarsimavoq.
Qarmarsuup ilamernganik piginnittoq, 47-nik ukiulik niuertarfiutilillu Erich Stanke, qarmarsuup ilamernga Østtysklandiusimasumit pisiarisimavaa, maannali tassa peerneqarsimavoq.
- Tallimanngornermi Tannaartumi cafémi ullaakkorsiortillunga ikinngutinnit sianerfigineqarpunga, qarmarsuup ilamerngata peerneqarsimaneranik kalerriutiginninniarluni sianertumik, Erich Stanke aviisimut Bild Zeitungimut oqarpoq.
Qarmalli ilamernganik piianeq nassuiaatissaqarpoq. Qarmamerngup maanna inigisimasaani avatangiisinut ministereqarfimmik sanasoqartussaammat, qarmaliaq taanna peerneqarpoq.
Pisortani atorfillit pisortaqarfianneersut qarmaminermik piiaasuupput, qarmasissiallu ministereqarfittaassamut ilaatinneqassapput aamma ilisimatitsissutigineqarpoq.
